Endå fleire spirer kalla tilbake

Produsenten Norske Spirer kallar tilbake produkta «Salat og tacomix» og «Økologisk kløver» etter mistanke om salmonellasmitte.

I går blei det kjend at fleire andre produkt frå produsenten har blitt kalla tilbake av same grunn.

Produkta er selde i mange daglegvarebutikkar og til storkjøkken. Dei som har kjøpt produkta blir bedne om å kasta dei.

Også i november i fjor blei produkt frå Norske Spirer kalla tilbake grunna mistanke om salmonella.