Ordførar i Istanbul først fengsla, så lauslaten

Det er full forvirring rundt om ordførar i Istanbul Ekrem Imamoglu blir fengsla fram til rettssaka mot han startar, eller ikkje.

Søndag skulle Imamoglu truleg bli valt som presidentkandidat for Erdogans viktigaste opposisjonsparti.

Fleire nyheitsbyrå har meld at Imamoglu skulle bli fengsla fram til rettssaka. Så kom ei melding frå Reuters, som siterer lokal TV-kanal Halk, med info om at han blir lauslaten – med ei rekke vilkår.

Tidlegare denne veka blei han pågripen skulda for fleire forhold mellom anna korrupsjon. Dette nektar han for.

Berre dagar før blei universitetsgraden hans trekt tilbake, noko som er eit krav for å stille til val i landet.

Imamoglu sjølv seier dette er politisk motivert. Hendinga har ført til store protestar, trass i at styresmaktene har innført demonstrasjonsforbod.