Новости за 11.05.2024

Дар Ереван дар эътирозҳо бо талаби истеъфои нахуствазири Арманистон Никол Пашинян дасти кам 48 нафар ба иттиҳоми итоат накардан ба амри полис боздошт шуданд.

Ба гуфтаи масъулони Барномаи ҷаҳонии озуқаи СММ, дар паи обхезиҳои ахир дар  шимоли Афғонистон  беш аз 300 нафар ҷон дода, зиёда аз 1000 хона тахриб шудааст.

Имсол ҳам селаи малах мисли балое барои кишоварзону чорводорони водии Вахш шудааст. Рӯз ба рӯз бузургтар мешавад ва аз як ноҳия ба ноҳияи дигар ҳамла мекунад.

Дар ҳамин ҳол дар вилояти Хатлон кишоварзони зиёде аз дасти малах ба дод омадаанд. Онҳо мегӯянд, агар мақомот дар маҳви ин ҳашароти зиёновар ба онҳо кӯмак накунад, ҳазорон хонавода аз ҳосили зироаташон маҳрум ва фақиру бенаво мешаванд.

Абдурозиқ овозхон ва блогери тоҷик дар саҳфаи инстаграмаш эълон кардааст, ки барояш номзади мувофиқ ёфта, ба зудӣ маросими хонадоршавиашро баргузор хоҳад кард.

Дастаи мунтахаби футболи Тоҷикистон қабл аз бозиҳои интихобии Ҷоми ҷаҳон-2026 муқобили тимҳои миллии Урдун ва Покистон дар Қатар ҷамъомади таълимию тамринӣ анҷом медиҳад.

Дар пайи Тоҷикистон мақомоти Узбекистон ҳам ба шаҳрвандоне, ки нияти сафар ба Қазоқистонро доранд, ҳушдор додаанд, ки ба ин кишвар бо омодагии пешакӣ сафар кунанд.

Вазорати корҳои хориҷаи Узбекистон аз муҳоҷирон хостааст, бо омодагии хуб ва тамоми санадҳои зарурӣ ба Қазоқистон сафар кунанд. Аз ин пеш муҳоҷирон ва мақомоти Тоҷикистон ҳам аз сахт шудани тафтиши муҳоҷирон дар Қазоқистон хабар доданд.

Дар Душанбе дар арафаи таҷлили Рӯзи Шашмақом маҷмӯаи «Ворисони Шашмақом»-и Фурқат Саидзода ба табъ расид. Саидзода раҳбари дастаи «Шашмақом» ба номи Фазлиддин Шаҳобов мебошад.

Исроил рӯзи шанбе амр дод, ки дар пешорӯи тавсеаи амалиёташ зидди Ҳамос дар шаҳри ҷанубии Рафаҳи Ғазза мардум ба ҷойҳои амн бикӯчанд.

Амири Кувайт Шайх Машъал ал-Аҳмад ас-Сабоҳ рӯзи ҷумъа дар як суханронии телевизионӣ гуфт, ки парлумонро пароканда кардааст.

Дар шаҳри Санкт-Петербург шумори қурбониёни ба дарё сарозер шудани автобуси мусофирбар афзуда ба ҳафт нафар баробар шуд.

Маҷмаи кулли СММ  қатъномаи Имороти Муттаҳидаи Арабиро қабул кард, ки он ба Шӯрои амният машварат медиҳад узвияти маъмурияти Фаластинро ба ҳайси узви комилҳуқуқ  бипазирад.

Рӯзи шанбе, 11 май дар дар анҷумани 18-уми ғайринавбати Ҳизби демократии Тоҷикистон Садиҷаъфар Усмонзода аз раисии ҳизб барканор ва ба ҷои ӯ Шаҳбози Аброр интихоб шуд. Худи

Мақомот дар Арманистон гуфтанд,  маблағгузорӣ ба Созмони паймони амнияти дастаҷмъиро хотима медиҳанд.

​Соли 2023 гардиши савдои хориҷии миёни Тоҷикистон ва Чин 1,5 миллиард долларро ташкил дод, ки нисбат ба соле аз ин пеш 24,2 фоиз афзоиш ёфтааст.

Қаҳрамони шумораи навбатии барномаи "Рӯзгори муҳоҷир" сокини 26-солаи деҳаи Гулбоғи Қубодиён аст, ки ҳоло дар Лос-Анҷелеси ИМА тиҷорати худро раҳандозӣ кардааст.

Маскаву Ереван ба мувофиқа расиданд, ки аз чанд вилояти Арманистон низомиёну сарҳадбонони Русия хориҷ карда мешаванд.

Дар ҳоле, ки аксар муҳоҷирони тоҷик барои кору зиндагӣ дар Амрико, Ню-Йоркро интихоб мекунанд, як ҷавони тоҷик дар Лос -Анҷелес, яке аз гаронтарин аёлатҳои ИМА маскан гирифта, ба мардум самбӯсаву оши палав пешниҳод мекунад.