Новости за 22.05.2024

Грамадзянін Беларусі асуджаны на 15 гадоў пазбаўленьня волі за дзеяньні «па заданьні расейскай вайсковай выведкі».

Супрацоўнікі ІТ-кампаніі мелі онлайн-размову з кіраўніком Аркадзем Добкіным.

У ноч на 22 траўня многія беларусы атрымалі ад чат-бота пляну «Перамога» напамін пра выбары ў Каардынацыйную Раду (КР) і заклік галасаваць за сьпіс № 5 «Закон і правапарадак».

У Беларусі зноў увялі строгія правілы правядзеньня выпускных вечарынаў. Улады расьпісалі нават маршруты сустрэчы сьвітаньня і сцэнары «масавых гуляньняў».

Вядомыя прадстаўнікі беларускага спорту, сярод якіх Аляксандра Герасіменя, Алена Леўчанка, Алег Дулуб, Вольга Мазуронак, выдалі заяву, у якой выказалі недавер Беларускаму фонду спартовай салідарнасьці (БФСС) і ягонаму цяперашняму кіраўніку Аляксандру Апейкіну.

Прэм’ер-міністар Вялікай Брытаніі Рышы Сунак абвясьціў дату датэрміновых выбараў у Палату грамадаў парлямэнту. Яны пройдуць 4 ліпеня.

25 траўня пачнуцца выбары ў Каардынацыйную раду. Дыскутуюць Аляксандар Наўковіч («Лахвіч») са сьпісу №7, «Незалежныя беларусы», і Віталь Савюк, першы нумар у сьпісе №11, «Краіна для жыцьця».

У краінах Эўразьвязу зарэгістраваныя 8623 кампаніі зь беларускімі каранямі. 75% фірмаў і ІП для рэлякацыі альбо адкрыцьця бізнэсу з нуля абралі Польшчу.

Старшы навуковы супрацоўнік дасьледчага цэнтру BEROC, эканаміст Зьміцер Крук аналізуе апошнія нечаканыя паказчыкі росту ВУП Беларусі, называе галоўныя пагрозы для беларускай эканомікі і прагназуе далейшае абясцэньваньне беларускага рубля.

Ці варта беларусам служыць у сілавых структурах іншых дзяржаваў? Ці могуць дэмакратычныя сілы працаваць зь бізнэсам унутры Беларусі?

25 траўня пачнуцца выбары ў Каардынацыйную раду. Выбары працягнуцца тры дні, да ўдзелу ў іх дапусьцілі 12 сьпісаў, якія налічваюць 265 кандыдатаў. Будуць выбраныя 80 дэлегатаў. Ці варта беларусам служыць у сілавых структурах іншых дзяржаваў. Ці могуць дэмакратычныя сілы працаваць зь бізнэсам унутры Беларусі. Пра гэта ды іншае дыскутуюць Аляксандар Наўковіч («Лахвіч») са сьпісу №7, «Незалежныя беларусы», і Віталь Савюк, першы нумар у сьпісе №11, «Краіна для жыцьця».

У акруговым судзе Любліна 20 траўня пачаўся суд над 23-гадовым украінцам Максімам Л. і 30-гадовым беларусам Уладзіславам П., абвінавачанымі ў шпіянажы на карысьць Расеі.

Адкуль у Вялікае Княства Літоўскае прыйшла астралёгія і якую ролю адыграла ў навуковым і грамадзкім жыцьці гэтай дзяржавы? Як астралёгіяй карысталіся Францішак Скарына, Апанас Філіповіч і Сімяон Полацкі?

Камітэт абароны журналістаў (CPJ) выпусьціў заяву з нагоды ўварваньня сілавікоў у дамы выціснутых з краіны журналістаў.

22 траўня людзі, якія рэгістраваліся ў пляне «Перамога», пачалі атрымліваць паведамленьні з заклікам узяць удзел у выбарах у Каардынацыйную раду і прагаласаваць за блёк Аляксандра Азарава — лідэра ініцыятывы былых сілавікоў ByPol.

Цэнтар новых ідэй і ініцыятыва «Ёсьць пытаньне» з дапамогай ботаў у Viber і Telegram правялі апытаньне сярод прадэмакратычнай часткі беларускага грамадзтва наконт галасаваньня на выбарах ў Каардынацыйную раду (КР).

Папулярны гурт цяпер займаецца творчасьцю па-за Беларусьсю.

У 2019 годзе юрысты даказалі наяўнасьць парушэньня канкурэнцыі з боку Расеі, Беларусі і Малдовы і дабіліся ўвядзеньня высокіх ставак мыта для трох краін — зь Беларусі — 57,03%, з Расеі — 114,95% і з Малдовы — 94,46%. Тэрмін іх прымяненьня мусіў закончыцца сёлета ў чэрвені.

Польшча павінна выбудаваць магутную ваенную абарону на ўсходняй мяжы, заявіў 22 траўня ў Сойме віцэ-прэм'ер – міністар нацыянальнай абароны краіны Ўладзіслаў Касіняк-Камыш.

Пасьля агітацыйнай рассылкі праз чат-бот пляну «Перамога», ініцыяванай ByPol, кіраўніка аб'яднаньня Аляксандра Азарава пазбавілі доступу да чат-бота. У ByPol пракамэнтавалі рассылку.

У Берасьці вынесьлі новы вырак ужо асуджанаму раней паводле «палітычнага» артыкулу 68-гадоваму Барысу Вітко, паведамляюць праваабаронцы.

Суд Маскоўскага раёну Берасьця 20 траўня 2024 году вынес прысуд васьмі мясцовым жыхарам за ўдзел у жнівеньскай акцыі пратэсту ў 2020 годзе. Іх судзілі паводле ч. 1 арт. 342 Крымінальнага кодэксу («Актыўны ўдзел у групавых дзеяньнях, якія груба парушаюць грамадзкі парадак»).

У Канстытуцыйнай залі Сейму Літвы 22 траўня адзначылі 70-ю гадавіну пачатку вяшчаньня беларускай службы Радыё Свабода.