Новости за 02.02.2020

«Մանչեսթեր Սիթին» Անգլիայի Պրեմիեր լիգայի 25-րդ տուրում 0-2 հաշվով պարտվեց «Տոտենհեմին»։

Սա Պեպ Գվարդիոլայի թիմի վեցերորդ պարտությունն էր ԱՊԼ-ի ընթացիկ մրցաշրջանում։ Սա «Մանչեսթեր Սիթիի» վատագույն արդյունքի կրկնությունն է Պեպ Գվարդիոլայի գլխավորությամբ։ 2016-17 թվականների մրցաշրջանում ևս «Մանչեսթեր Սիթին» վեց պարտություն էր կրել ԱՊԼ-ում։

«Մանչեսթեր Սիթին» 51 միավոր ունի։ Գվարդիոլայի թիմը երկրորդն է ու 22 միավորով հետ է մնում «Լիվերպուլից»։

Հայաստանի առաջնության գործող չեմպիոն «Արարատ-Արմենիան» Կիպրոսում ընկերական հանդիպում է անցկացրել Եկատերինբուրգի «Ուրալի» հետ (1:1):

«Արարատ-Արմենիայի» կազմում գոլի հեղինակ է դարձել թիմի նորեկ Օտուբանյոն: «Ուրալի» գոլն էլ հեղինակել է Էրիկ Բիկֆալվին:

Նշենք, որ այդ հանդիպման ընթացքում վնասվածք է ստացել Հայաստանի հավաքականի պաշտպան Վարազդատ Հարոյանը: Նա փոխարինվել է 52-րդ րոպեին:

Թեթև քաշային կարգում UFC մարտարվեստի չեմպիոն Խաբիբ Նուրմագոմեդովին 180 միլիոն եվրո են առաջարկել երկու դիվիզիոններում նախկին չեմպիոն Քոնոր Մաքգրեգորի և բոքսի աշխարհի չեմպիոն Ֆլոյդ Մեյվեզերի հետ մենամարտերի համար: Այս մասին հաղորդում է բրիտանական The Sun պրբերականը:

«Չելսիի» կիսապաշտպան Վիլիանը, ամենայն հավանականությամբ, ամռանը կդառնա «Բարսելոնայի» խաղացող, հայտնում է Marca-ն:

Մադրիդի «Ռեալը» Իսպանիայի առաջնության 22-րդ տուրում սեփական հարկի տակ 1-0 հաշվով առավելության հասավ «Աթլետիկոյի» նկատմամբ։