Новости за 04.03.2020

Մադրիդի «Աթլետիկոն» ցանկանում է իր կազմում տեսնել «Բարսելոնայի» կիսապաշտպան Իվան Ռակիտիչին: Մադրիդյան ակումբի ներկայացուցիչները բանակցել են խորվաթ ֆուտբոլիստի հետ, տեղեկացնում է Sport.es-ն:

Նշվում է, որ «Աթլետիկոն» պատրաստ է 8 միլիոն եվրո աշխատավարձ վճարել փորձառու խաղացողին:

Այսպիսով, 31-ամյա Ռակիտիչը կարող է մնալ Լա Լիգայում և ամռանը համալրել Դիեգո Սիմեոնեի գլխավորած թիմը:

Հիշեցնենք, որ Ռակիտիչը առաջարկներ կդիտարկի նաև ԱՊԼ-ի ակումբների կողմից:

Մարտի 3-ին` Նիդերլանդների Ամստերդամ քաղաքում, կայացավ ՈւԵՖԱ Ազգերի Լիգայի խմբային փուլի վիճակահանությունը: Հայաստանի ազգային հավաքականը, որը ընդգրկված էր C լիգայում, 2-րդ խմբում կմրցի Հյուսիսային Մակեդոնիայի, Վրաստանի և Էստոնիայի ազգային ընտրանիների հետ: ՈւԵՖԱ-ն արդեն հաստատել է խմբային փուլի խաղացանկը, այդ մասին հայտնում է ՀՖՖ պաշտոնական կայքը։