Зәйдә бәйрәм көннәре юллардагы хәлләрнең тыныч булуы белән билгеләнә

Зәйнең ЮХИДИ бүлегеннән хәбәр итүләренчә, узган атна Чаллы-Зәй-Әлмәт юлында булган авариядә өч кешенең үлеме, бер баланың яралануы белән бик киеренке башланып китеп шөбһәләндерсә дә, бәйрәм көннәрендә юлдагы хәлләрнең тыныч торуы белән билгеләнде. 29 нчы декабрьдән 4 нче гыйнварьга кадәр 30 юл һаләкәте теркәлеп, аларның берсе бик аяныч тәмамланды, ә калган аварияләрдә кешеләр зыян күрү теркәлмәгән. Бу бәйрәм вакытында инспекторларның көчәйтелгән режимда эшләүләре нәтиҗәсендә дә мөмкин булды. Ә менә салган хәлдә руль артына утыручылар булган. Атна дәвамында андыйлар 7 тоткарланган, юл кагыйдәсен бозган өчен салынган штрафларны үз вакытында түләмәүчеләр исә 3 кеше. Әле бәйрәм көннәре дәвам итә, шуңа күрә инспекторлар да көчәйтелгән режимда эшләүне дәвам итә, юлларда сак булу сорала.