Бер гаилә газ исенә агуланган
Бүген иртән сырхауханәгә авыр хәлдә ике баланы алып киләләр.
Алар сөрем исенә агуланган булалар. Бу вакыйга Түбән Каманың Хутор Минькин авылында була. Күршеләр аңнарын югалткан сигез кешене күреп алалар: дүрт бала һәм дүрт өлкән кеше. Ашыгыч ярдәм машинасы чакырталар. Ике бала авыр, калганнары уртача хәлдә була, дип хәбәр итә ТР Сәламәтлек саклау министрлыгы. Вентиляция томаланып, гаилә газ исенә агуланган булырга тиеш дип фаразлыйлар.