Кәеф-сафа кылу җинаять белән төгәлләнгән

4 гыйнварда район эчке эшләр бүлегенә Түбән Әлморзада берәүнең пычак белән җәрәхәтләнүе хакында хәбәр алына.

Оператив группа ашыгыч рәвештә урынга чыга. Ачыкланганча, “Кызыл Шәрыкъ-Агро”да терлекче булып эшләүче, моңа кадәр хөкем ителгән Н. бу көнне хезмәт хакы алган булган. Кибеттән аракы сатып алып, бу вакыйганы ул авылдашы Г. белән бәйрәм итәргә уйлаган. Эчеп утырганда ике шешәдәш арасында низаг чыга, һәм Г. Н.га пычак белән кадый. Н. авыр хәлдә район үзәк хастаханәсенә озатыла.

Әлеге факт буенча җинаять эше кузгатылган.