Яңа ел бәйрәмнәрендә әлкилеләр “Ашыгыч медицина ярдәменә” ешрак мөрәҗәгать итә башлады

Яңа ел бәйрәмнәрендә әлкилеләр “Ашыгыч медицина ярдәменә” ешрак мөрәҗәгать итә башлады.

Бу хакта безгә район үзәк хастаханәсенең кабул итү-диагностика бүлеге мөдире Игорь Леонтьев хәбәр итте.

-       Медикларга мөрәҗәгатьләр күп очракта хроник чирләрнең кискенләшүе белән бәйле, - ди доктор Леонтьев. – Шулай ук имгәнү-җәрәхәтләнү очракларының да күбәюе күзәтелә. Алкогольле эчемлекләрне күп кулланудан саулыкларына зыян салучылар да бар.

Ә менә салкын тиеп авыру очраклары артмаган.

Озакка сузылган бәйрәм көннәрендә авырулардан ничек сакланырга соң?

-       Моның рецепты һәркемгә мәгълүмдер, минемчә, - ди Игорь Леонтьев. – Сәләмәт яшәү рәвеше алып барырга кирәк. Артык күп ашамагыз, саф һавада күбрәк булыгыз, спорт белән шөгелләнегез.