Караклар ярты миллион сумлык товар урлаган
Чаллыда өч яшь егет склад ишеген җимереп кереп, 475 мең сумлык запчасть урлаган.
Полиция хезмәткәрләре озакламый аларны тоткарлаган. Каракларның икесенә 20 яшь, беркайда да эшләмиләр. Өченчесе 17 яшьлек студент, Чаллы көллиятендә укый. Урланган товарлар хуҗасына – шәхси эшмәкәргә кайтарылган. Бу уңайдан җинаять эше кузгатылган.