Әлмәтлеләр “Халык контроле”нә зарлана
Гыйнвар башыннан алып бүгенгә кадәр әлмәтлеләр “Халык контроле”нә үзләрен борчыган 11 мәсьәлә юллаган.
Берәүләр Бахорин урамыннан Колхоз урамына кадәр яктырткычлар янмавын җиткергән, икенчеләрне бәйрәм көннәрендә кайбер ишегалларында машина кую урыннарының чистартылмавы борчый. Шул ук вакытта калдырылган транспорт чараларының кар чистартырга комачаулавы турындагылары да бар. Кайбер хуҗалар тимер атларын, гомумән, онытканнар, ел дәвамында урыннарыннан кузгатмый.