Зәй шәһәр суды эшмәкәрләрне талап йөрүче җинаятьчел төркемгә карата хөкем карары чыгарды
Зәй шәһәр суды 2013 нче елның февраленнән бирле шәһәр халкын шөбһәдә тоткан, шәхси йортларга кереп куркытып, талап йөрүче җинаятьчел төркемгә карата хөкем карары чыгарды. Суд ике яшь ир-егетнең эшмәкәрлек белән шөгыльләнүче зәйлеләрнең өйләренә кереп, куркытып акчалар урлауларын билгеләде. Алар тарафыннан талап алынган акчалар 4 миллион 300 мең сум белән бәяләнде. Ир-егетләрнең берсе 13 елда 6 айга, икенчесе 13 елга ирегеннән мәхрүм ителде.