Тун сатам дип акчасыз калганнар
Ике хатын-кыз туннарын сатмакчы булган һәм бу хакта АВИТО сайтына белдерү урнаштырган. Сатып алучы үзен озак көттермәгән.
Ул Алабуга кызларына тун өчен акчаны аларның банк карталарына күчерергә теләвен әйткән һәм моның өчен банк карталарының мәгълүматларын сораган. Хатын-кызлар тәкъдим белән ризалашкан. Мошенниклар шул рәвешчә картадагы барлык акчаларны алып бетергәннәр. Кызларның берсе 57 мең, икенчесе өч мең сумыннан колак каккан.