Бу елдан бала пособиесе күпме булачак
Йөкле вакытта медицина оешмаларында иртә исәпкә баскан хатын-кызларга бер тапкыр бирелә торган пособие күләме 543 сум 67 тиен булачак.
Бала тугач бер мәртәбә бирелә торган акча — 14 мең 497 сум 80 тиенгә җитте. Беренче баланы караган өчен айлык пособиенең минималь күләме — 2718 сум 34 тиен, икенче һәм аннан соңгы балаларны тәрбияләгән өчен 5436 сум да 67 тиен булды. Бала караган өчен 2015 елда максималь пособие 19 мең 855 сум 82 тиен күләмендә түләнәчәк.