Тирәлек уңайлыгы буенча Әлмәт - 26 урында
“Россия инженерлары берлеге” иҗтимагый оешмасы шәһәрләрнең яшәү өчен уңайлыгын 13 параметр буенча билгеләгән.
Россиянең 165 шәһәрен дәүләт статистика һәм дәүләт структуралары мәгълүматлары, башка рәсми чыганаклар нигезендә бәяләгәннәр.
Демография күрсәткече, җинаятьчелек һәм эшсезлек дәрәҗәсе, гражданнарның матди хәле, социаль һәм транспорт инфраструктурасы, икътисад, торак белән тәэмин ителеш, экологик хәл буенча беренче өч урынны Мәскәү, Санкт-Петербург һәм Казан калалары “били”. Түбән Кама 37 урында. Яр Чаллы әлеге исемлеккә бөтенләй эләкмәгән.