Әлки районы авылларында сукбай этләрне аулау чаралары оештырыла башлады
Район авылларында сукбай этләрне аулау чаралары оештырыла башлады.
Авыл урамнарында иясез этләр күбәйде. Алар шунда яшәүче халык, бигрәк тә балалар өчен зур куркыныч тудыра. Этләрдән кешеләр генә түгел, мал-туар, кош-корт та зыян күрә. Гомумән, иясез этләрнең үрчүе зур проблема ул. Авыл җыеннарында да кешеләр еш кына мондый этләрне юк итү чараларын күрүне сорап мөрәҗәгать итәләр. Сукбай этләрне аулау язга чаклы дәвам итәчәк. Этләрен бәйдә тотмыйча, урамда йөртүче хуҗалар исә административ җаваплылыкка тартылачак.