Чаллыда 8 яшьлек кыз балконнан сикергән
1 нче сыйныф укучысы 11 нче катта урнашкан фатирлары балконыннан сикергән һәм исән калган.
Кичә кичке сигезләр тирәсендә күпкатлы йортның подъезд ишеге түбәсе өстендә бер кыз баланы табып алалар. Бәхеткә, ул исән. Бу хәлне ул болай аңлаткан: әбисе үзен генә калдырып өйдән чыгып киткән дә, кыз куркып балконнан сикерергә уйлаган. Сырхауханәгә алып килгәч, аның умыртка баганасы сынуын һәм эчке органнарының җәрәхәтләнүен ачыклаганнар. Хәзер кыз бала реанимация бүлегендә ята.