Юхмачыда Кавказча ашаталар
Юхмачыда озак вакыт эшләми торган кафе яңадан ачылды.
Биредә дистәгә якын эш урыны булдырылган, кафеда Югары Әлморзадан килеп эшләүчеләр дә бар. Исемен үзгәртмәсә дә, кафе пешекчеләре кунакларны, юлчыларны Кавказ халык ашлары белән сыйлый башлаганнар. Кафеда булырга өлгерүчеләр тәкъдим ителгән ризыкларны «бик тәмле» дип бәяли.