Әлмәтлеләр Великий Устюгтагы Кыш бабай резиденциясендә никахлашкан
Әлмәттән Сабина белән Эрик Кыш бабай янында кунакта булып кайткан.
Яшьләр бәйрәм табыны артында утырганда, Кыш бабай белән Кар кызы аларны сәхнәгә чакыра. Егет шулвакыт сөйгәне алдында тезләнеп, мәхәббәтен аңлата, чәчәк бүләк итә һәм аның кулын сорый. Кыш бабай: “Оныкчыгым, ризалаш! Мин шаһит, аны туңдырырга да күп сорамам”, – дип шаярта. Сабина “Әйе!” – дип җавап бирә.