Әлмәтле Таиландтан Денге бизгәге ияртеп кайткан
Таиландтан кайткан Әлмәт малаенда сирәк очрый торган Денге бизгәген ачыклаганнар.
Малайны шунда ук Республика инфекция хастаханәсенә салганнар, дип хәбәр итә Роспотребнадзор матбугат хезмәте.
Малай 29 декабрьдән 7 гыйнварга чаклы әтисе белән Таиландта ял иткән. Кайткач, малайдан анализлар алып, вакытында дәвалый башлаганнар.
Денге бизгәге – көчле вируслы авыру. Эбола вирусы белән беррәттән йөри. Ул үлемгә дә мөмкин. Бәхеткә, малайны вакытында дәвалаганнар.