Уен салоны тоткан ир-атка 6 ел төрмә яный
Полиция хезмәткәрләре шушы көннәрдә уен салонына тап булган.
Аны Чаллыда шашлык ашханәсе тоткан шәхси эшмәкәр ачкан булган. Полиция хезмәткәрләре килеп кергән мәлдә анда 4 уенчы утырган. 116 мең сум акча, 14 монитор, 14 системалы блок, 12 өстәл һ.б. җиһазларга арест салынган. Шәхси эшмәкәр аны кулга алмауларын үтенгән. Аның шашлык ашханәсен дә җитәклисе барлыгын әйткән. Уен салонын оештырган иргә 1 миллион штраф яки 6 ел ирегеннән мәхрүм ителеп, 500 мең сум штраф түләргә туры киләчәк.