Чаллы шәһәрендә 11 нче каттан егылып төшкән 7 яшьлек бала исән калган (ФОТО)
Гадәттән тыш әлеге хәл Чаллы шәһәренең 49 нчы комплексында булган. 11 нче каттан егылып төшкән баланы хастаханәгә озатканнар.
Вакыйганы күреп калучылар әйтүенчә, бала кар көртенә егылган һәм шуның нәтиҗәсендә генә исән калган. Күп төрле тән җәрәхәтләре алган сабыйны җирле хастаханәгә озатканнар. Баланың умыртка баганы сынган, эчке органнары зыян күргән. Хәзерге вакытта ул реанимация бүлегендә — медикаментоз йокы халәтендә.