Контейнерда яңа туган бала мәете табылган

Кендеге өзелгән нарасый полиэтилен пакет эченә салып ташланган. Мәетне Чаллы кешесе чүп-чар түгәргә чыккач күргән һәм полиция чакырткан.

Хәзер тикшерү эшләре алып барыла, баланың анасын эзлиләр. Судмедэкспертиза аның үле килеш тууын күрсәткән.
Чаллыда бу беренче очрак кына түгел. 2014 елның ноябрендә төзелеш территориясендә очраклы узып баручы бер бала мәете тапкан иде.