Нурулла Гариф үз китабында Балык бистәсендәге Яңа Сала, Чаллыбаш, Чураш авыллары тарихы турында укучыларга тәкъдим итә
“Нинди генә тарихи китаплар язсам, фәнни язмалар чыгарсам да, нәселем тарихы һәрчак күз алдымда торды.
Язам, язам дип, гел омтылып тордым, әмма һәрчактагыча бераз соңга да калынды инде. Күп туганнарымны югалттым, булганнарын да барлап өлгермәдем. Инде соң булса да уң булсын... Язылганнар исә гайбәт түгел, гыйбрәт булсын!”-дип башлый Нурулла Гариф “Һәр кешедә туганымны күрәм” исемле китабын.
Ул монда берничә буын туганнарын, нәсел агачын, алар белән бәйле истәлекле вакыйгаларны яза. Яңа Сала, Чаллыбаш, Чураш авыллары тарихына да кагылып үтә. Шул як кешеләре өчен үзләренең ерак тарихларын белү кызык булыр дип уйлыйм. Үз ягың нәсел тарихын белү үзе бер рухи байлык ул...