“Татарлар” җинаятьчел төркеме лидеры 20 ел төрмәдә утырачак
“Татарлар” җинаятьчел төркеме лидеры Х.ны Татарстанның Югары суды 20 елга ирегеннән мәхрүм итте, дип хәбәр итә ТР Эчке эшләр министрлыгының матбугат хезмәте.
Ул төркемне оештыручыларның берсе була. 1992 елдан алып 2003 елга кадәр булган бик күп үтерешләр, җинаять эшләрендә аның да гаебе бар дип таныганнар. Аны халыкара эзләүгә биргәч тә, Х. Чувашиядә ялган паспорт белән яшәгән. Әмма аның эзенә барыбер чыкканнар.