Коммуналь хезмәтләргә түләмәсәң - фотосурәтеңне урамга эләләр
Бөгелмәдә коммуналь хезмәтләр өчен вакытында түләмәгән намуссыз кешеләрнең фотосурәтләрен баннерларга элә башлаганнар.
10 000 сумнан артык әҗәтләре булган яшәүчеләр Бөгелмәдә 3000 нән артык. Алар бу айдан кызыл төстәге түләү кәгазьләре алган инде. Фотосурәтләрен бөтен кеше алдында фаш итү намуссыз кешеләрне бераз уятып җибәрер, дип хәбәр итә ТР Төзелеш, архитектура һәм ТКХ министрлыгының матбугат хезмәте.