МХЛ балаларны сөендерде
Әлмәттә Буыннар Кубогына Яшьләр хоккей лигасы беренчелегенең 4 нче матчы булып узды.
"МХЛ - балаларга" программасы кысаларында безгә "Молодежка" сериалы актерлары да кунакка килде. Алар "Спутник" командасы уенчылары Роман Ермаков һәм Максим Гусев белән Рус Акташы мәктәп-интернатында кунакта булдылар. Актерлар һәм хоккейчылар белән узган матбугат конференциясендә балалар үзләрен кызыксындырган сорауларга җавап алды һәм аларга үз куллары белән ясалган бүләкләрне тапшырды. Яшьләр хоккей лигасы мәктәп-интернатка сертификатлар өләште.