Лениногорскилы Роман Трофимов Универсиадада катнаша

Бүген Словакиядә 27 нче кышкы Универсиада старт ала. Ачылыш тантанасында 31 илдән 400ләп спортчы катнаша.

Быелгы кышкы Универсиада 24 гыйнвар – 1 февраль көннәрендә Словакиядә (Штрбске-Плесо һәм Осрблье) һәм 4-14 февраль көннәрендә Испаниядә (Гранада) уза.
Словакиядә узачак спорт төрләрендә Татарстан данын 4 спортчы яклый. Алар — Нияз Нәбиев (чаңгыда ике төр ярыш), Роман Трофимов (трамплиннан сикерү, Лениногорск), Андрей Ларьков (чаңгы ярышы), Артем Николаев (чаңгы ярышы). Испаниядәге ярышларга барасы спортчылар исемлеге бераз соңрак билгеле була. Шунысы тәгаен: хоккей җыелмасы составына Әлмәтнең "Нефтяник" командасы һөҗүмчесе Михаил Климчук та кергән.