Сексуаль характердагы җинаять кылуда шикләнелүчене эзлиләр
Казан полициясе балаларга карата сексуаль характердагы җинятьләр кылуда шикләнелүче ир-атны эзли.
Әлегә аның шәхесе ачыкланмаган, кыяфәтенә караганда аңа 30-45 яшьләр тирәсе, буй озынлыгы 170-175 сантиметр, тыгыз тәнле, азиат йөзле. Аерым билгеләре- алга бүлтәеп чыккан зур корсаклы, икенче ияге чыккан түгәрәк йөз, киң борынлы, кысык күзле, куе, кара кашлы. Күз асты шешенгән, йөзе кара кучкыл.Сөйләшүе әкрен. Өстенә кара күн куртка, зәңгәр джинс чалбар һәм көрән футболка кигән. Әлеге кешене күрүче булса 291-48-21, 294-50-75 яки 02, 052 (аноним)телефоннары аша хәбәр итүләре сорала, дип хәбәр итә http://sntat.ru сайты.