Инкассаторны тоткарлау вакыйгасында яңа мәгълүматлар билгеле
Полиция җинаятьчеләрне Марий Эл республикасындагы бер авыл йортында тоткарлаган.
Җинаятьчеләр күтәренке рухта күңел ачып утырган, аларны эзләп табачакларын күз алдына да китермәгән. Әлеге йортның кемнеке икәнлеге әлегә мәгълүм түгел. Оперативниклар аларның коралларын һәм акчаларын алган. Хәзер акчаның күләмен ачыклыйлар.
Бүген көндез Богаченконың бер җинаятьтәшен тотканнар иде инде. Аның исеме игълан ителми, мөгаен, “хезмәттәшләренең” кайдалыгын шул җиткергәндер. Аңарда 8 млн сум акча табылган.