Зәй кулланучылар кооперативы эшчәнлене югары бәяләнде

Бу көннәрдә Казанда республика Президенты катнашында үткән Татарстан Республикасы кулланучылар җәмгыятьләре вәкилләренең гомуми җыелышында “Зәй” катнаш авыл хуҗалыгы кулланучылар кооперативы” предприятиесе коллективы узган елдагы эш нәтиҗәләре буенча югары бәяләнде. Алар эшчәнлекнең тотрыклылыгына һәм күрсәткечләрне арттыруга ирешкән 17 кулланучылар кооперациясе оешмасы арасына керде. Зәй предприятиесе җитәкчесе Руслан Рәхимҗанов республика Премьер-министры урынбасары -  авыл хуҗалыгы һәм азык-төлек министры Марат Әхмәтов кулыннан хезмәт коллективы исеменә Мактау грамотасы алды.