“Чордаш” клубы эшчәнлеген активлаштыра
Зәй үзәк китапханәсендә инде берничә ел һөнәрләр турында сөйләүче “Чордаш” клуб эшли. Хезмәт кешесе елында әлеге клуб эшчәнлеге активлаша төште. Бу көннәрдә китапханәчеләр татар гимназиясе укучылары өчен ГРЭСта эколог булып эшләүче Ольга Сливкова белән очрашу оештырды. Укучылар экологның нинди эшчәнлек алып баруы турында шактый мәгълүмат, кызыксындырган сорауларына җавап алды. Соңыннан укучылар арасында “Без планетага җаваплы” дип аталган викторина уздырылды. Ел дәвамында укучылар төрле кызыклы һөнәрләр турында мәгълүмат алачак.