Берәү балаларны өшетеп, "тәрбияләгән"
Түбән Камадагы балалар бакчаларының берсендә тәрбияче сабыйларны тәрәзә ачып, өшетеп “акылга утырта” торган булган. Төшке ял вакытында тәрәзәне ачып, балаларны салкын бүлмәдә калдырып чыгып киткән.
“Аздан гына бозга әйләнмәдек”, – дип сабыйлар үзләре әти-әниләренә зарланган.
Бу төр “җәза” икенче бер төркем тәрбиячесе ярдәме белән киң җәмәгатьчелеккә мәгълүм була. Иртәнге киңәшмәдә ул балаларны салкын бүлмәдән алып чыгуы турында хәбәр итә. Бакча мөдире “кар алиһәсе”нә шелтә белдерүе турында әйтә. Соңрак тәрбиячене эшеннән алалар. Әти-әниләр исә шикаять белән прокуратурага барырга җыена.