“Җиңү балкышы” хәйрия телемарафоныннан читтә калмыйк

Бөек Җиңүнең 70 еллыгы уңаеннан 9 мартта 9.00-11.00, 15.00-17.00 һәм 19.00-20.00 сәгатьләрдә «Татарстан – Яңа гасыр» телеканалы туры эфирда ике телдә (татар һәм рус) “Җиңү балкышы” хәйрия телемарофоны оештыра. Шушы вакытларда «Яңа Гасыр», «ТНВ-Планета» каналларында Бөек Ватан сугышына нисбәтле вакыйгалар бәян ителәчәк, тарихчыларыбызның мавыктыргыч чыгышлары булачак. «Җиңү» акциясенә теләктәшлек йөзеннән узучы чараның максаты – киң җәмәгатьчелекнең сугыш ветераннарына карата мөнәсәбәтен белдерү. Әлеге проекттан зәйлеләр дә читтә калмаслар, шәт.