“Кызыл калфак”та – өстәмә төркем

Кичә Кызыл калфак балалар бакчасында 20 сабыйга исәпләнгән яңа төркем ачылды. Хәзер биредә 6 төркемдә 120 бала тәрбияләнәчәк. Бакчада төркем ачу эшләренә республика бюджетыннан  акча бүленеп, аны “Ремстрой” ҖЧШ сыйфатлы итеп башкарып чыкты. Төркем якты, җылы, уңайлы: ул бакчаның беренче катында урнашкан. Аны ачу тантанасында район җитәкчесе Разиф Кәримов катнашып, бакча уенчыклар алу өчен сертификат тапшырды,  нәниләрнең, әти-әниләрнең сөенечен уртаклашты, бирегә йөреп, мәктәпкә ныклы әзерлек алуларын теләде. Тантанадан соң ул ата-аналар, нәниләр белән аралашты.