Әлки районы авыл хатын-кызлары уңганлыкта ярыша
Бәйрәм тирәсендә Югары Кәчи авыл клубы һич кенә дә буш тормаган: клуб мөдире Алена Миндрюкова тырышлыгы белән зур концерт куелган. Концертта мәктәп укучылары да, хәтта иң кечкенә сыйныфлар да актив катнашкан. Ә аннары “Ел хатын-кызы” дип аталган конкурс үткәргәннәр. Конкурста урта яшьләрдәге алты хатын кыз катнашкан Җиңүче итеп балалар бакчасы тәрбиячесе Татьяна Евстафьева танылган. Дүрт бала анасы Ольга Толстова да аңардан бик азга гына калышкан. Гомумән, һәр конкурсант үз осталыкларын күрсәтеп, тамашачыларның кайнар алкышларын яулаган.