Зәйдә укучылар “Аҗаган” уеннарында ярышты

Зәй мәктәпләрендә  Бөек Җиңүнең 70 еллыгына багышлап “Аҗаган-2015” уеннары үтте. 16 мәктәптә 14-15 яшьлек укучылар хәрби-спорт уеннарында көч сынашты. Укучылар тарихи вакыйгалар буенча сорауларга җавап бирде, хәрби әзерлек: пневматик коралдан ату, турникта тартылу, йөгерү һ.б. спорт төрләре буенча нормативлар, шартлы зарарланган урынны үз-үзеңә зыян китермичә үтү кебек биремнәрне үтәделәр.