Зәйдә урлашулар еш кабатлана
Зәйдә урлашу очраклары иң еш кабатланучы хокук бозулар буларак теркәлә. 3-13 мартта район территориясендә теркәлгән 24 җинаятьнең икесе әлеге төр хокук бозуларга керә. Анда бер очракта - фатирдан, икенче очракта гараждан әйберләр урлануы ачыкланган. Мәсәлән, 10 мартта бер зәйле гаражыннан көймә моторы һәм азык-төлек урлап чыгалар. Килгән зыян 16200 сум белән исәпләнә. Полиция хезмәткәрләре мондый хокук бозуларга юл куймас өчен кешеләрнең дә мөмкин булган барлык саклык чараларын күрүләрен сорый.