Бүген пәнәчедә көрәшче истәлегенә ярыш уза

Зәйдә спорт ветераннары истәлегенә ярышлар уздыру традициясе яши. Бүген Югары Пәнәче мәктәбендә шуларның берсе - легендар көрәшче Исмәгыйль Баязитов истәлегенә укучылар арасында милли көрәш буенча турнир уза. Аны ел да авыл җирлеге белән мәктәп коллективы оештыра. Матди яктан химаячеләр дә булыша. Шунысы игътибарга лаек, Исмагыль Баязитов - әлеге мәктәптә укыткан елларда көрәшне авылда гына түгел, районда үстерүгә дә зур өлеш керткән шәхес.