Әлмәтлеләр “Тантана” премиясе лауреатлары булды
Халыкара театр көнендә Г.Камал исемендәге Татар дәүләт академия театрында “Тантана” республика театр премиясен тапшырдылар.
Әлеге премия быел бишенче тапкыр бирелде. Аңа 47 номинант дәгъва кылды. Премиянең “Дебют” номинациясендә Әлмәт татар дәүләт драма театрыннан Алинә Мөдәрисова танылды.
“Иң яхшы актерлар ансамбле” номинациясендә премиягә Әлмәт татар дәүләт драма театры коллективы лаек булды.