Янгында өч яшьлек кыз зыян күргән
66 яшьлек хатын һәм аның фатирдашы яшәгән бүлмәдә янгын чыга. Янгын сүндерүчеләр аларның икесен дә авыр хәлдә сырхауханәгә озата. Ир кешенең куллары янган була.
Бу хәл Чаллыда малосемейкада була. Күрше бүлмәдә яшәүче гаиләгә дә зыян килә. Анда өч яшьлек кыз да була. Ул төтенгә агулана. 16 квадрат метрлы бүлмәдә булган янгын тәмәке белән саксыз эш итү аркасында килеп чыккан дип фаразлыйлар.