Зәйдә “Яшьләр экспрессы” старт алды

 Зәй яшьләр эшләре идарәсе “Яшьләр экспрессы” дип аталган агитация чараларын башлап җибәрде. Ул быел районның “Йолдызлык” балалар ял һәм сәламәтләндерү лагеренда оештырылачак сменалар, идарә каршында эшләүче “Кайгырту” волонтерлар хәрәкәте, җәмәгать тәртибен саклауга өлеш кертүче “Форпост” эшчәнлекләре, җәйге чорда мәктәп укучыларын, студентларны яшьләр эшләре идарәсе аша вакытлыча эшкә урнаштыру мәсьәләләре турында мәгълүмат бирүгә корылган очрашулардан гыйбәрәт. Мондый сөйләшүләр Югары Шепкә, Аксар, Иске Тәкмәк авылларында уздырылды. Очрашу укучыларны, яшьләрне кызыксындырган сорауларның күп булуы белән дә җанлы үтте.