6 нчы апрельгә һава торышы
Татарстан Гидрометеорология һәм әйләнә-тирә мохитне күзәтү идарәсе фаразларына караганда, бүген республикада аязучан болытлы һава торышы булачак. Татарстанның күпчелек районнарында юеш кар һәм яңгыр явачак. Төнлә төшкән томан иртән дә сакланачак. Күз күреме 500 метр һәм аннан да азрак булачак. Шулай ук төнлә һәм иртән юлларда – бозлавык.
Татарстанда көндез 3-8 градуска кадәр җылытачак.
Казанда температура көндез 4-7 градуска кадәр җылы булачак.
7 апрель төнендә республикада болытлы һава, күпчелек районнарда бераз яңгыр яварга мөмкин, юлларда – бозлавык. Температура 2 градуска кадәр салкын булачак.