Дару сыйфаты һәм бәясеннән канәгать булмасаң – шалтырат!
ТР Иҗтимагый палатасы фармация базарын тикшерә.
7 апрельдә әлеге оешмада кайнар линия телефоны эшләячәк. Ике сәгать дәвамында - 15.00 дән 17.00 сәгатькә кадәр белгечләр шалтыратуларны кабул итә. Даруларның сыйфатыннан һәм бәясеннән канәгать булмасагыз, яки даруларга кагылышлы башка фикер-тәкъдимнәрегез бар икән, 567-80-98 һәм 567-80-95 телефоннарына шалтырата аласыз. Моннан тыш, оp.rt@tatar.ru адресы буенча да шикаять язарга була.