“Каенкай”да яшәүчеләрнең дуслары күп
“Каенкай” приютында тернәкләнү үтүче 14 бала менә берничә көн инде Чистай шәһәрендәге “Раздолье” лагерында сәламәтлекләрен ныгыталар. Алар лагерьда 21 көн булачак.
Ә апрель башында приютның күптәнге дуслары – Казанның “Автоклуб” берләшмәсе егетләре һәм кызлары килеп киткәннәр. Алар балаларга һәрвакыттагыча уенчык, күчтәнәчләр бүләк итеп калдырганнар. Пасха көннәрендә исә приютта яшәп торучыларны Казанның “Заречье” банкы хезмәткәрләре һәм Хәйруллин фонды вәкилләре тәмле күчтәнәчләр белән сөендергәннәр.