Пенсионер 35 яшьлек хатынны кыйнаган
Баш миендә бик күп җәрәхәтләр, имгәнүләр белән сырхауханәгә 35 яшьлек хатынны алып киләләр.
Табиблар аның турында полициягә хәбәр итә. Баксаң, аны бу хәлгә дусты - 62 яшьлек Чаллы пенсионеры җиткергән икән. Алар бергәләп спиртлы эчемлекләр кулланып утыра да, соңыннан исерек абзый хатынны акча урлауда гаепли һәм кыйный башлый. Чаллы эчке эшләр идарәсе хәбәр иткәнчә, хәзер бу җинаять буенча тикшерү эшләре бара.