Полиция хезмәткәрләре дин нигезләрен өйрәнә
14 апрельдә полиция хезмәткәрләренең халык белән эшләү буенча профессиональ әзерлекләрен үстерүгә юнәлдерелгән проект кысаларында Татарстан эчке эшләр идарәләре кизү тору бүлекләре хезмәткәрләре өчен Ислам дине кануннарын өйрәнү буенча дәресләр узды.
Полиция хезмәткәрләренә Ислам нигезләрен, Коръән һәм аның мөһим бүлекләрен, мөселманнарның гореф-гадәтләрен, дин агымнарын өйрәнү буенча тулы курс узарга туры киләчәк. Сабак видеоконференция рәвешендә уза.
Россиядә әлеге проект беренче тапкыр Татарстанда гамәлгә куела башлады.