“Аҗаган – 2015”тә Зәйнең 7нче мәктәбе командасы призлы урын алды
Зәйнең 7нче мәктәп командасы “Аҗаган-2015” республика бәйгесенең төбәк этабында уңышлы чыгыш ясады. Лиана Бусургина җитәкчелегендәге 14 кешедән торган команда физик әзерлек, стройда хәрәкәт итү, төгәллектә, ату, автомат сүтеп-җыюда, 1 километрга йөгерүдә, интеллектуаль биремнәрдә көч сынашты. Россия тарихы буенча биремнәрне үтәүдә Зәй укучылары өченче урын алды. Ә гомуми исәп буенча команда 4нче урын яулады. Укучыларны ярышка педагоглар Сергей Петрушенко, Эльмира Вдовина әзерләде.