Әлмәтлеләрне агач утыртуда катнашырга чакыралар
25 апрельдә Әлмәттә гомумшәһәр шимбә өмәсе үтәчәк.
Шушы ук көнне Агач утырту көне дә үткәреләчәк. Шәһәр территориясендә 16 мең төп агач утырту планлаштырыла. Әминов урамында нефтьчеләр белән берлектә эре агачлар утырта башладылар инде. Әлеге акциядә шәһәрдә яшәүчеләр үзләре дә катнаша ала. Моның өчен аларга 000, (8553) 45-50-66 телефоннары буенча шалтыратып, диспетчерлык службасына заявка калдырырга кирәк.